HMP Pendhidhikan Basa lan Sastra Jawa UNESA 2024 Gelar Festival Sastra Jawa kanthi Meriah

21 September 2024 - kategori Kemahasiswaan 173 Views

Himpunan Mahasiswa Prodhi Pendhidhikan Basa lan Sastra Jawa, Fakultas Basa lan Seni, Universitas Negeri Surabaya nggelar adicara Festival Sastra Jawa. Kegiyatan iki uga awujud pangetan DIES NATALIS UNESA Kaping 60 taun. Sajrone adicara FSJ kaperang dadi macem-macem adicara lan kalaksanan sasuwene 3 dina. Wiwit dina Jemuwah tanggal 13 September 2024 lan pungkasan ana dina Ahad tanggal 15 September 2024.

Adicara dina kapisan yaiku Temu Redaktur Penulis lan Pamaca Majalah Abasa Jawa, ing jerone adicara iku ana konser sastra sing ditampilake saking PBSJ angkatan 2023 lan 2024, bedhah buku lan pameran karya sastra. Bedhah buku novel “Lodan saka Segara Kidul” karyanipun bapa Kukuh S. Wibowo. Pemateri Temu Redaktur yaiku para ahli ana bidang sastra. Ibu Prof. Dr. Darni, M.Hum., Bapak Kukuh S. Wibowo, dan Bapak Daniel Tito (13/09/2024). Adicara kasebut uga digayengaken kanthi penampilan musikalisasi geguritan dening Mas Yusuf Pebriansyah lan Bapa Danang Wijayanto.

Adicara dina kapindho yaiku Lokakarya Kepenulisan Geguritan lan Kepenulisan Berita Jawa lan Seminar Nasional ing Gedung Rektorat Lt.11 Universitas Negeri Surabaya. Lokakarya Kepenulisan Geguritan lan Kepenulisan Berita iki kanggo ngulik tata cara nulis geguritan lan berita kang sae. Pemateri Lokakarya Kepenulisan diisi dening Bapa Dr. Suharmono Kasiyun, M.Pd., minangka pemateri kepenulisan geguritan lan Mas Ahmad Rizky Wahyudi, S.Pd., minangka pemateri kepenulisan pawarta. Seminar Nasional digelar kanggo mangerteni ancase Pembelajaran Basa Jawa. Pembelajaran kasebut diperkuat uga ana kebijakan-kebijakan basa Jawa ananing Jawa Timur. Pemateri Seminar iki ana Bapa Dr. Octo Dendy Andriyanto, S.Pd., M.Pd., Bapa Dr. Djoko Sulaksono, S.Pd., M.Pd., lan Ibu Suhartatik , S.Pd. M.Psi. (14/09/2024).

Adicara dina katelu kapérang dadi telu adicara. Kapisan yaiku adicara Grand Final lomba Nembang Campursari tingkat SMA/SMK kang kawiwitan tabuh 08.00 WIB. Grand Final Iki yaiku wujud babak penyisihan akhir lomba Nembang Campursari. Ana 19 pasarta, yaiku 10 pasarta PI lan 9 pasarta PA kang tampil kanthi langsung. Saka Lomba iki dinjupuk 10 juwara, yaiku juwara 1, juwara 2, juwara 3, juwara harapan 1, lan juwara harapan 2 masing-masing PA lan PI.

Banjur adicara kaloro, yaiku Lomba Karawitan MGMP Basa Jawa. Adicara iki kawiwitan tabuh 13.00 lan manggon ana Lapangan Rektorat UNESA Lidah Wetan. Antusias para pasarta lomba MGMP krasa banget kanggo ngolehake juwara. Saka lomba Karawitan iki dinjupuk juwara miturut nominasi, yaiku nominasi juwara karawitan, nominasi paes terbaik, lan nominasi busana terbaik.

Adicara kang pungkasan ana penampilan Pagelaran Kethoprak kanthi irah-irahan “Jaka Tarub Prasetya” saking Alumni, Dosen lan Mahasiswa Pendhidhikan Basa lan Sastra Jawa, sing ditampilake dalu tabuh 20.00 WIB. Wong sing ningali pagelaran kethoprak akeh, mboten saking prodi Pendhidhikan Basa lan Sastra Jawa thok, namung nggih wonten saking instansi sanesipun. Dina pungkasan iki awujud outdoor, mula ana uga stand – stand panganan kanggo para pamirsa menawa ngersakaken jajan.

Rangkaian adicara Festival Sastra Jawa taun 2024 iki diwastani supaya Prodi Pendhidhikan Basa lan Sastra Jawa bisa luwih dikenal masarakat umum. Ngraketake paseduluran antarane mahasiswa PBSJ, dhosen, lan para alumni. Muga FSJ taun ngarep tetep bisa kalaksanan lan luwih apik maneh.